– Wararka soo kordhay- wasiirrada xildhibaanada ah lagu amray dhammaantood inay xaadiraan fadhiga Baarlamaanka, si ay u difaacaan wax-ka-beddelka Dastuurka ee muran badan ka taaganyahay.
Wasiirrada ilaa hadda gaaray xarunta Golaha Shacabka waxaa ka mid ah Wasiirka Arrimaha Gudaha – Cali Xoosh Wasiirka Biyaha iyo Tamarta – Bidhaan Wasiirka Xannaanada Xoolaha – Xasan Eelay Sidoo kale wasiiru-dowlayaal iyo wasiir-ku-xigeenno oo xildhibaano ah
Waxaa xarunta Golaha Soo galay Gudoomiyaha Guddiga la socodka wax ka badalka dastuurka Xil Xuseen iidow iyo Habdhoowre Nuux Ilaa iyo hadda, Guddoonka Golaha Shacabka ma soo gelin xarunta, halkaas oo ay weli ka socdaan buuq, sawaxan iyo qeeylo dhaan siyaasadeed oo ay wadaan xildhibaanada mucaaradka ah.
Xaaladda guud ee xarunta Golaha Shacabka ayaa ah mid kacsan oo aan deggenayn, iyadoo ay sii xoogaysanayaan calaamadaha muujinaya is-mariwaa siyaasadeed iyo halis laga qabo in fadhiga Baarlamaanka galo qalalaase hor leh.