Xildhibaanadii dhawaan ganaaxa lagu soo rogay ee isku magacabay โXildhibaanada Xorta ahโ ayaa goordhaw shir gaar ah ku leh xarunta ololaha Musharax Madaxweyne Soomaaliya Xasan Cali Kheyre.
Xildhibaanadan ayaa loo diiday inay ku shiraan Hotel Jazeera, sida aan xalay tabinay , kaddib markii la sheegay in Taliyaha Hogaanka Booliska Gobalka Banaadir Macalin Mahdi uu xalay tagay hotelka isla markaana maamulka ku wargeliyay in aan la oggolaan karin qabashada kulankaasi.
Wararka ayaa sidoo kale sheegaya in maamulka hotelka Jazeera ay dalbadeen warqad rasmi ah oo caddeyneysa sababta loo diiday shirka, taas oo la sheegay in saaka la gaarsiiyay maamulka hotelka.
Kulankan cusub ee ay ku leeyihiin xarunta Xasan Kheyre ayaa kusoo aadaya xilli ay taagan tahay xiisad siyaasadeed oo la xiriirta ganaaxyada lagu soo rogay xildhibaanadan iyo khilaafaadka hareeyay arrimaha dastuurka iyo doorashooyinka.
Faahfaahin dheeraad ah ayaa laga filayaa marka uu kulanku soo dhammaado.