Soomaaliya oo yeelaneysa Maxkamad Gaar ah oo Ganacsi
Wasiirrada Wasaaradaha Ganacsiga iyo Cadaaladda ee Xukuumadda Federaalka Soomaaliya ayaa shaaciyey qorshe lagu dhisayo maxkamad si gaar ah ugu takhasusta arrimaha ganacsiga.
Tallaabadan ayaa la sheegay inay tahay mid lagu xoojinayo kalsoonida ganacsatada, lagu dardargelinayo xallinta khilaafaadka ganacsi, isla markaana lagu abuuro jawi sharci oo hufan oo maalgashi lagu soo jiidan karo.
Mas’uuliyiintu waxay tilmaameen in maxkamaddan cusub ay door muhiim ah ka qaadan doonto:
• Xallinta murannada ganacsi si degdeg ah
• Ilaalinta xuquuqda maalgashadayaasha
• Kor u qaadidda kalsoonida suuqa gudaha
Arrintan ayaa loo arkaa tallaabo muhiim ah oo qeyb ka ah dadaallada lagu horumarinayo nidaamka dhaqaale iyo sharci ee dalka, xilli Soomaaliya ay dooneyso inay soo jiidato maalgashi gudaha iyo dibadda ah.
Faahfaahin dheeraad ah ayaa la filayaa in maalmaha soo socda la shaaciyo