#VILLA_SOMALIYA : Shirka u dhexeeyay Madaxda Dowladda Federaalka Soomaaliya iyo Golaha Mustaqbalka oo Natiijo Laβaan Kusoo Dhammaaday
Shir maanta ka qabsoomay Villa Soomaaliya, oo u dhexeeyay Madaxda Dowladda Federaalka Soomaaliya iyo Golaha Mustaqbalka, ayaa kusoo dhammaaday natiijo laβaan, iyadoo aan wax heshiis ah laga gaarin qodobadii miiska saarnaa.
Isaragan oo qaatay saacado badan ayaa si gaar ah diiradda loogu saaray hannaanka doorashooyinka dalka iyo qodobbo la xiriira dib-u-eegista Dastuurka. Si kastaba ha ahaatee, labada dhinac ayaa si weyn ugu kala aragti duwanaaday arrimahaasi, taasoo sababtay in la waayo is-afgarad mideeya mowqifyadooda.
shirka intii uu socday, labada garab ayaa yeeshay kulamo gaar gaar ah oo ay isku dayayeen inay isu soo dhowaadaan, isla markaana u helaan meel dhexe oo la isku raaci karo. Hase yeeshee, dadaalladaasi ma dhalin wax natiijo ah oo la taaban karo.
Arintan ayaa muujinaysa in weli aan la gaarin tanaasul siyaasadeed oo horseedi kara heshiis rasmi ah, taasoo sii fogeyn karta rajada laga qabay in lagu heshiiyo arrimaha masiiriga ah ee horyaalla dalka.
ma jiro kulan kale oo si rasmi ah loogu balamay, mana jirto jadwal la shaaciyay oo lagu sii ambaqaadi karo wada-hadallada mustaqbalka dhow.