Dowladda Iiraan ayaa daqiiqado kahor ku dhawaaqay geerida Ayatollah Ali Khamenei, Telefashinka Qaranka ayaa baahiyay tacsida hoggaamiyahii waddankooda oo ay dileen isbaheysiga Mareykanka & Israa’iil ee shalay weerarka ku qaaday dalka Iiraan.
Madaxweyne Trump ayaa xilli hore oo xalay ku dhawaaqay geerida Ayatollah Khamenei, balse madaxda Iiraan ayaa diiday sheegashada in Washington ay khaarajisay, dhinaca kale, waxaa soo baxaya warar sheegaya in uu calaamadeeyay xilli hore seddex qof uu midkood la wareegi doono xilkiisa, kadib markii ay ka shuureeyaan 12 wadaad oo maamulka kacaanka ka tirsan.
Ayatollah Ali Khamenei, waxa uu ahaa 83 jir hal adag, wadaad, hoggaamiye diimeed iyo siyaasi saameyn ku lahaa siyaasadda dunida & Bariga dhexe, waana ninkii labaad ee qabta talada ugu sarreysa Iiraan, tan & markii uu dhashay kacaanka Islaamiga ah 1973-dii, meeshana laga saaray nidaamkii Boqortooyada Shaah. Waxa uu ku dhashay magaalada Mash-had, waxaa aabbe u ahaa wadaad caan ah oo shiicadu ixtiraamaan, kadibna waxa uu ku koray, diintana ku bartay magaalada Qom, halkaas uu uga biiray siyaasaddii kacaanka ee Ruuxullaahi Khumeyni.
Lama oga sida uu xaalka Iiraan noqon doono, kadib geeridiisa, hase-haatee, qolfoofta dhismaha kacaanka ayaa la eegayaa sida ay usii jirto.