Calanka Ururka Dhaqaalaha Bulshada Bariga Afrika oo Muqdisho laga soo dajiyey.
Wasiirka Ganacsiga iyo Warshadaha XFS Xildhibaan Jibril Abdirashid Abdi oo maalmihii la soo dhaafay safar shaqo ugu maqnaa wadanka Tanzania, ayaa maanta dib ugu soo laabtay dalka isaga oo magaalada Muqdisho ka soo dejiyey calanka Ururka Dhaqaalaha Bulshada Bariga Afrika oo maalmo ka hor ay Soomaaliya si rasmi ah ugu biirtay ururkaas, waxaana halkaas ku qaabilay Wasiiro iyo madax kale oo ka tirsan dawladda.
Wasiir Jibril, ayaa sidoo kale 4tii bishan Maarj, 2024 wuxu, calanka Soomaaliyeed iyo Dhukmentiyadii ansaxinta heshiiska ku biirista Ururkaas geeyey xarunta Ururka Dhaqaalaha Bulshada Bariga Afrika oo ku taala magaalada Arusha ee wadanka Tanzania halkaas oo munaasibad weyn oo lagu qabtay laga ga dhawaaqay in Soomaaliya ay si rasmi ah ugu biirtay ururkaas, waxaana calanka Soomaaliyeed laga taagay afaafka hore ee xarunta ururka.
Wasiirka Ganacsiga iyo Warshadaha XFS Xildhibaan Jibril Abdirashid Haji Abdi, ayaa calanka Ururka Dhaqaalaha Bulshada Afrika ku wareejin doona Madaxweynaha dalka Dr. Hassan Sheikh Mohamoud iyada oo marka ugu horreysa si heer qaran ah loogga taagi doono Madaxtooyada Villa Somalia intaa ka dib na laga taagi doono guud ahaan xarumaha hayβadaha dawladda ee wadanka.