Xil. Mahad Salaad oo beeniyay warar Baraha Bulshada la’isla dhexmarayay sacadihii la soo dhaafay.

309

Xildhibaan Mahad Salaad oo ka mid ah Mudanayaasha Golaha Shacabka Baarlamaanka Federaalka Soomaaliya oo beeniyay warar saacadihii la soo dhaafay la’isla dhexmarayay Baraha Bulashada.

Wararka la’isla dhexmarayay Baraha Bulashada gaar ahaan aaladda Facebooka ayaa tibaaxayay in Xildhibaanku loo magacaabay Taliyaha Nabad Sugidda iyo Sirdoonka Qaranka Soomaaliya ee NISA.

Qoraal uu oo dhigay bartiisa Facebooka ayuu ku yiri sida tan “Wararka Baraha Bulshada lagu qorayo waa been ee yaan lagu khatalmin ikhiyaarey. Hambalyadana yaan la iga qasaarinin ee hala ii kaydiyo. Mahadsanidiin” sida uu ku yiri qoraalka uu soo dhigay Bartiisa Facebooka.

Hadal heeyntaan ayaa ku soo beegmaysa xilli Madaxweynaha 10aad ee JFS Xasan Sheekh Maxamuud uu sameeyay magacaabis, asiga oo magacaabay xilal ay ka mid yihiin Agaasimaha Madaxtooyada Qaranka, Agaasime ku xigeenka Madaxtooyada, la taliyaha Amniga Qaran & Ergeyga Gaarka ah ee u qaabilsan arrimaha Gurmadka Abaaraha Soomaaliya.

Xildhibaan Mahad Salaad ayaa ka mid ah siyaasiyiinta aadka ugu dhaw Madaxweynaha 10aad ee JFS Xasan Sheekh Maxamuud, asiga oo ka mid ahaa Siyaasiyiintii aadka ugu soo hor jeeday Siyaasadda Madaxweynihii 9aad ee Soomaaliya Maxamed Cabdullaahi Farmaajo kaas oo xilka baneeyay 23 May, 2022-ka asiga oo xilka ku wareejiyay Madaxweyne Xasan Sheekh oo la doortay 15 May 2022.

LEAVE A REPLY

Please enter your comment!
Please enter your name here