XASAASI: Man City Oo Barcelona Ula Tagaysa Qorshe Ay Man United Ugu Garaacayso Saxiixa Frenkie de Jong

71

Manchester City ayaa lagu soo waramayaa inay kula biirtay kooxda ay xifaaltamaan ee Manchester United tartanka loogu jiro saxiixa khadka dhexe ee kooxda Barcelona Frenkie de Jong xagaagan.

25-sano jirkaan ayaa si xoogan loola xiriirinayay inuu u dhaqaaqayo Old Trafford, iyadoo Erik ten Hag uu bartilmaameedkiisa 1-aad ka dhigtay xiddigiisii hore.

Si kastaba ha ahaatee, Mundo Depertivo ayaa haatan sheegaysa in ay Man City xiiso u qabto saxiixa xiddiga De Jong waliba doonaysay saxiixiisa ilaa sanadkii 2019 markaas oo uu xiddigu joogay Ajax ka hor inta uuna ku biirin Barcelona waxana ay diyaar u yihiin in ay wadahadalo la galaan kooxda Barcelona si ay u helaan xiddiga.

Wararka ayaa intaas ku daraya in ayna Man City diyaar u ahayn in ay bixiso lacagta ay Barcelona dalabayso laakiin diyaar u tahay in ay Is dhaafsadaan xiddigaha De Jong iyo Bernardo Silva.

Tababaraha Barcelona ee Xavi ayaa taageero u ah xiddiga Bernardo Silva waxana uu doonayay in uu kooxdiisa keeno inta lagu jiro suuqa kala iibsiga xagaagan.

 

LEAVE A REPLY

Please enter your comment!
Please enter your name here