XASAASI: Man City Oo Baanka U Jabinaysa Mohamed Salah Xilli Uu Wakiilka Xiddigu Heegan Galiyay Citizen.

140

Manchester City ayaa lagu soo waramayaa inay ka fiirsan doonto inay u dhaqaaqdo saxiixa xiddiga Liverpool Mohamed Salah hadii weeraryahanka uu ku guuldareysto inuu heshiis cusub u saxiixo kooxda

29-sano jirkaan ayaa haatanba xaqiijiyay in uu sii joogi doono Anfield xilli ciyaareedka soo socda, laakiin mustaqbalkiisa fog ee kooxda ayaa weli ah mid aan la hubin maadaama uu heshiiskiisa haatan dhacayo June 2023.

Salah ayaan wali heshiis cusub u saxiixin kooxda Liverpool inkasta oo uu wadahadlao la qaatay kooxda muddo sanad ah waxana la sheegayaa in uu xiddigii hore ee chelsea u furanyahay in uu ku biiro koox premier League ah hadii uu kooxda isaga tago xagaaga dambe.

Sida laga soo xigtay Mirror, wakiilka Salah ayaa heegan galiyay Man City xilli ay Kooxda Pep Guardiola diyaar u tahay in ay u dhaqaaqdo xiddiga reer Masar.

Wararka ayaa sheegaya in ay Man City diyaar u tahay in ay bixiso lacagta uu Salah dalbanayo isla markaas diyaar u ah in ay u dhaqaaqdo xiddiga hadii uu heshiis cusub u saxiixi waayo kooxda.

Salah ayaa dhaliyay 156 gool isla markaas caawiye ka noqday 63 kale 254 kulan oo uu u ciyaaray kooxda Liverpool intii uu oogay kooxda

LEAVE A REPLY

Please enter your comment!
Please enter your name here