Weeraro Bambaano oo lagu qaaday Saldhigyo kuyaalla Muqdisho

173

Waxaa xalay weeraro Bambaanooyinka nooca Gacanta lagu tuuro ah lagu qaaday Saldhigyada Booliska degmooyinka Hodan iyo Kaaraan ee Gobolka Banaadir, waxaana ka dhashay khasaaro kala duwan.

Weerarka koowaad ayaa ka dhacay Saldhiga Booliska degmada Kaaraan kadib markii bam gacmeed lagu tuuray, waxaana askarta joogta Saldhiga ay fureen rasaas farabadan, iyada oo uu jiro khasaaro ka dhashay sida ay sheegeen dad goobjoogayaal ahaa.

Sidoo kale bam gacmeed ayaa lagu tuuray Saldhiga Booliska degmada Hodan ee Gobolka Banaadir, waxaana weerarka bam gacmeedka ahaa kadib rasaas ay fureen Ciidamada Booliska ku dhaawacmay Wiil yar oo wadada marayay kuna wajahnaa Goob lagu ciyaaro Kubadda Cagta oo kutaalla Agagaarka Saldhiga Booliska degmada Hodan.

laamaha Amniga degmooyinka Hodan iyo Kaaraan ayaan weli wax faah faahin ah ka bixin weerarada lagu qaaday Saldhigyada Booliska, hayeeshee weeraradaas ay kamid yihiin falalka Amni darro ee mararka qaar ka dhaca Magaalada Muqdisho.

LEAVE A REPLY

Please enter your comment!
Please enter your name here