Shaxda Wareerka Ah Ee Ay Arsenal Ku Ciyaari Karto Hadii Ay Helaan Saxiixyada Uu Arteta Doonayo.

92

Kooxda Arsenal ayaa si fiican ku bilaabatay suuqa xagaaga iyada oo ku dhaw saxiixa xiddiga khadka dhexe ee Fabio Vieira kaas oo ay kala soo wareegayso kooxda Fc Port.

Saxiixa Vieira ayay ka dhimantahay kaliya in ay Arsenal ku dhawaaqdo saxiixiisa iyada oo kooxda sidoo kale lala xidhiidhinayo xiddigo kale.

Xiddigaha Youri Tielemans iyo Gabriel Jesus ayaa ah xiddigaha Arsenal lala xidhiidhinayo kuwaas oo ay aad u doonayaan in ay ku xoojiyaan khadka dhexe iyo weerarka.

Arsenal ayaan u baahnayn saxiixyo badan waxana ay xiddigaha Youri Tielemans, Jesus iyo Vieira ka dhigi karaan koox adag oo u tartanta koobab xilli ciyaareedka dambe.

Wargayska Mirror ayaa soo bandhigtay sida ay noqon karto shaxda Arsenal hadii ay kooxdu keento dhamaan xiddigaha bartilmaameedka u ah Mikel Arteta.

Xiddigaha Jesus, Saka iyo Martinelli ayaa hogaaminaya Gunners kuwaas oo noqon kara kuwo halis ku ah difaacyada Kooxaha premier League.

LEAVE A REPLY

Please enter your comment!
Please enter your name here