Sadio Mane Oo Talaabo U Qaaday Ku Biirista Bayern Munich, Maxaa Cusub?

80

Xiddiga kooxda Liverpool ee Sadio Mane ayaa lagu soo waramayaa in uu heshiiska shaqsiga ah la gaadhay kooxda Bayern Munich si uu ugu biiro kooxda xagaagan.

Mane oo ku jira sanadkiisii ugu dambeeyay heshiiska Liverpool ayaa la filayaa in uu isaga tago kooxda inta lagu jiro suuqa xagaagan.

Bayern Munich ayaa laga diiday laba dalab oo ku saabsan saxiixa xiddiga laakiin waxa la filayaa in ay haatan miiska saarto lacagta ay Liverpool doonayso.

Si uu xiddigu u fududeeyo ku biiristiisa Bayern Munich waxa uu haatanba heshiiska shaqsiga ah la gaadhay kooxda Bayern Munich.

Xiddiga Mane ayaa ogolaaday heshiis 3 sano ah oo uu ku joogi doono kooxda Bayern Munich marka uu ka tago Liverpool.

Liverpool ayaa haatan filaysa in ay Bayern Munich bixiso lacagta ay ku qiimayso xiddiga 30 jirka ah si ay u hesho saxiixiisa

LEAVE A REPLY

Please enter your comment!
Please enter your name here