Daafaca dambeedka midig ee Arsenal Oleks Zinchenko ayaa qirtay inuu doonayo “ka aargoosiga” asxaabtiisii hore ee Manchester City toddobaadka soo socda.
Xiddiga Gunners ayaa ka qayb ahaa kulankii ay Man City 1/0 uga badisay kooxda Arsenal kulan ka tirsanaa tartanka FA Cup-ka.
Ciyaarta ka dib Kyle Walker ayaa u kacay dhinaca xiddiga Zinchenko isaga oo u muuqday mid ka xanaajiyay xiddiga Zinchenko kadib guuldaradii soo gaadhay.
Zinchenko ayaa si muuqata uga cadhooday Walker waxana la arkay isaga oo ku xanaaqay isla markaas laga fogeeyay xiddigaha Man City.
Si kastaba ha ahaatee, ka hor kulankooda todobaadka soo socda ee premier League, Zinchenko ayaa ka hadlay dhacdadii kulankaas.
Isagoo la hadlayay Vbet News, wuxuu yiri: “Weli waan la xiriiraa intooda badan; waxaan nahay saaxiibo, mar walbana waan ahaan doonaa”.
“Haa, way badiyeen kulankaas, wayna igu qosleen aniga laakiin waxa rajaynayaa in aan ka aarsan doono Arbacada soo socota”.