MD Cosoble ayaa yiri Reer Baladweyne mid mid waa u caqli badan yihiin laakin bulsho ahaan xoolaha ayey la caqli yihiin. Qoraal Xasaasi ah (wax badan ka ogoow)

442

 

Madaxweynahii Koowaad ee Hir-shabeelle Dr.Cali Cabdullaahi ayaa Barta Facebook ku leyahay ayow ku qoray qoraal hoose Aqri

Mudane Cali Cabdullaahi Cosoble ayaa yiri
Dhib kasta oo Reer Baladweyne ku dhex heysta magaaladooda ayaga ayaa sabab u ah.

Waxaa kala lumay magaalada iyo dadkii degaanka u ahaa. Dadkeeda magaca ayey wada sheegtaan balse kama duwana dad kala deggan Gaalkacyo iyo Marka. Haddana koox kasta oo gooni isula baxday ayaan iska war heyn. Waxaa is wareysta oo keliya jifo inta badanna wexey iska wareystaan dhiig loo heysto.

Ganacsatada wexey u dhaqmaan sida dad ajnabi ah oo u yimid beledka iney ka xoogsadaan.

Culumaa’uddiinka waxaad mooddaa kuwo loo soo diray iney dadka magaalada ku nool baraan tafsiirka quraanka iyo safiina salaadka.

Nabadoonnada, afmiinshaarrada iyo qaaqleyaasha beledka ku sugan hal xaafad ayey keligood buuxin karaan.

Magaalada waxaa si isku mid ah u canshuura maamulka iyo Al Shabab, labadana waxba kama qabtaan horumarka gobolka. Midkoodna ma oggola in lala xisaabtamo.

Waqtiga la joogo magaalada waxaa buux dhaafiyay dad aan meherad laheyn oo subixii la soo shaqa taga carrab dheer oo laalaada, kuwaa oo weliba ka baahi badan kana kharash badan dadka shaqeysta.

Magaalada waxeysan laheyn akhayaar ilaashata dadkana ku baraarujisa iskaashiga, is dhex galka iyo wax wada qabsiga.

Reer Baladweyne mid mid waa u caqli badan yihiin laakin bulsho ahaan xoolaha ayey la caqli yihiin.

Marka aan sidan u hadlayo haddana Baladweyne waa magaaladeydi waana jeclahay dadka ku nool labadeeda daan iyo tuulooyinkeedana waa dadkeyga waana jeclahay. Waxa keliya ee aan rabana waa iney noqdaan dad dhiifoon, isku xiran, horumarna ku tallaabsanaya.

Ama dhibso ama dib u fiiri dadkaaga iyo degaankaaga, adlee waaye.

LEAVE A REPLY

Please enter your comment!
Please enter your name here