Waxa ay kooxaha Yurub bilaabeen inay sii kala calaamadsadaan xiddigaha iyo masuuliyiinta kale ee kooxda Manchester City oo dhawaan lagu soo oogay boqol kiis oo sharci jabin ah.
Tababaraha Manchester City ee Pep Guardiola ayaa ah tababaraha haatan ugu cad cad saadaal ahaan inuu noqdo midka ugu horreeya ee ka taga Premier League.
Pep ayaa haddii kooxda dambi lagu helo isagu afkiisa ka sheegay inuu isla maalinta ku xigta ka tagayo balse uu kalsoonki ku qabo maamulka.
Haatan wargeyska ugu weyn France ee L’Equipe ayaa sheegaya in Pep bartilmaameed u yahay kooxda Paris Saint-Germain haddii uu noqdo mid la heli karo.
Warbixinta L’Equipe ayaa intaas ku daraysa in PSG ay xiisaynaysay tababaraha ree Spain tan iyo markii uu Mauricio Pochettino kooxdeeda joogay.
Xalay ayay dhirbaaxo ku dhacday PSG iyadoo kooxda ay xifaaltamaan ee Marseille ka reebtay tartanka Coupe de France.