Jurrien Timber Oo Go’aan Ka Qaatay Mustaqbalkiisa, Miyuu Ku Biirayaa Man United Mise…?

107

Manchester United ayaa la kulantay dharbaaxo xun kadib markii bartilmaameedka Erik Ten Hag ee Jurrien Timber uu sheegay inuu dooran doono inuu sii joogo Ajax xagaagan.

Daafaca ayaa lala xidhiidhinayay Man United iyada oo Erik Ten Hag u doortay dookha uu ku xoojinayo daafaca dhexe xilli uu sidoo kale Timber ka ciyaari karo garabka daafaca Midig.

Timber ayaa u furnaa ku biirista Man United laakiin waxa uu ka doonayaa balan-qaad ah in uu joogto ugu ciyaari doono kooxda maadama koobka adduunka la ciyaari doono bisha November.

Saxafiga reer Netherland ee Mike Verweij ayaa sheegay in uu Timber aaminsanyahay in ay halis tahay ku biirista Man United haatan isla markaas uu dooran doono in uu sii joogo Ajax.

Isla saxafiga ayaa sheegaya in uu Timber dooran doono sii joogista Ajax xilli ciyaareedka dambe si uu u aado koobka adduunka maadama uu boos joogto ah ka heli doono kooxda Ajax.

Warkan ayaa dhirbaaxo ku noqon doona Man United kuwaas oo lumiyay bartilmaameedkii 2-aad ee tababare Erik Ten Hag kadib Darwin Nunez oo ku biiray Liverpool.

LEAVE A REPLY

Please enter your comment!
Please enter your name here