Guddiga la socodka dib u eegista iyo hirgelinta Dastuurka ayaa maanta xafiiskooda kulan kula qaatay Wasiirka Wasaraadda Cadaaladda iyo Arrimaha Dastuurka Xasan Macalin Maxamuud.
Kulanka Guddiga iyo Wasiirka ayaa diiradda waxaa lagu saaray hannaanka shaqo ee guddiyada Dastuurka iyo Wasaaradda, waxyaabaha hortabinta leh iyo dedejinta soo dhisida gudiga madaxa bannaan ee Dib u-eegista iyo hirgelinta Dastuurka oo wasiirka la faray in la soo magacaabo dad aqoon.
Wasiirka Wasaaradda Cadaaladda iyo dastuurka Xasan Macalin Maxamuud oo dhankiisa ka jawaabay su’aalo ay waydiiyeen xubnaha guddiga, ayaa bogaadiyay shaqada guddiga Datuurka iyo sida dhaqsaha leh ee ay isula jaanqaadeen, isaga oo xusay in Xukuumadda Dan Qaran ay ka go’antahay dhamaystirka dastuurka. Sida lagu yiri qoraal ka soo baxay kulanka.
Guddoomiyaha Guddiga Dastuurka Mudane Xuseen iidow oo kulanka soo xiray ayaa Wasiirka uga mahadceliyay sida uu warbixinta uga siiyay su’aalihii la waydiiyay iyo sida ay uga go’antahay qabyo tirka Dastuurka iyo la shaqaynta guddiyada Dastuurka.