Gaadiid nooca xamuulka qaada ah oo u raran Qaramada Midoobay ayaa ka tallaabay soohdinta Turkiga uu la wadaago Suuriya si ay gargaar bani aadamnimo u gaarsiiyaan Waqooyi-Galbeed Dalkaas oo saameyn taban uu ku reebay Dhul-gariirka.
Inta la xaqiijiyay 52 Gaari oo nooca xamuulka qaada ah ayaa gargaar bani aadamnimo oo ka socda Qaramada Midoobay gaarsiiyay Waqooyi-Galbeed Suuriya oo ay ka jiraan xaalado ka dhashay dhul-gariirkii ku dhuftay 6dii Febaraayo 2023.
Sarkaal katirsan Qaramada Midoobay ayaa Warbaahinta u sheegay in gargaarkaan aanay ku filneyn Dadka dhul-gariirku saameynta taban ku reebay, qaarkood ma heystaan guryo maadaama guryihii ay degenaayeen ka burbureen.
Magaalooyinka qaar malahan adeegga Korontada oo waxaa loo damiyay si aanay u badin khasaaraha ka dhashay dhul-gariirka, biyaha iyo adeegyada kale ee aasaasiga u ah nolosha ayaa maqan halka dadku ay sugayaan gargaar degdeg ah.
Suuriya waxaa ugu geeriyootay ku dhawaad 4,000 oo ruux halka kumanaan kale dhaawac yihiin waxaana intaas dheer guryo la’aanta soo wajahday qoysas badan oo la dejiyay meelo si KMG ah loogu talagalay in ay saldhigtaan inta ay kasoo dhammaaneyso xaaladda taagan.