Maamulka Somaliland ayaa ku eedeesay madaxweynihii hore ee Soomaaliya Maxamed Cabdullaahi Farmaajo in uu ku lug leeyahay dagaalka ka socda magaalada Laascaanood ee u dhaxeeya ciidamada Somaliland iyo kuwa deegaanka Laascaanood.
Wasiirka gaashaandhigga ee Somaliland Cabdiqani Maxamuud Caateeye ayaa qoraal uu soo dhigay bartiisa Twitterka ku eedeeyay madaxweynihii hore ee Soomaaliya Farmaajo in uu ku lug leeyahay dagaalka Laascaanood ayna dagaalamaan ciidamo uu tababar u diray.
“Qorshaha lagu khal-khal gelinayo xasiloonida Somaliland ayaa soo socday muddo sanado ah, iyadoo Madaxweynihii hore ee Soomaaliya, Farmaajo, uu ciidamo u diray dalalka Ereteriya iyo Turkiga, si ay tababar ugu soo qaataan, ujeedkooduna ahaa in ay la dagaalamaan Somaliland. Hubkii loogu deeqay Soomaaliya ayaa sida oo kale lagula dagaallamey Somaliland.” ayaa
Madaxweynihii hore ee Soomaaliya Maxamed Farmaajo ayaana ka jawaabin eedeyntan kasoo yeertay maamulka Somaliland, waxa ayna horey maamulka sidaan oo kale u eedeeyeen dowladda Soomaaliya iyo maamulka Puntland.