Wareegto ka soo baxday Madaxtooyada Dowlad Gobaleedka Puntland ayaa Madaxweynaha Puntland Siciid Cabdullaahi Deni ku magacaabay Xeer Ilaaliyaha Guud ee Dowladda Puntlnad iyo Guddoomiyaha Guddoomiyaha Maxkamadda Ciidamada Qalabka Sida iyo Denbiyada Culus.
Saciid Deni Madaxweynaha Dowlad Gobaleedka Puntland ayaa Axmed Maxamed Yusuf (Taaraan) u magacaabay Xeer Ilaaliyaha Guud oo ahaa Guddomiyaha Maxkamadda Sarre Puntland, isaga oo xilka ka qaaday xeer ilaaliyaha guud Maxamuud Xasan Aw-cismaan.
Sidoo kale wareegtda ka soo baxday Madaxtooyada Puntland ayaa Guddoomiyaha Maxkamadda Ciidamada Qalabka Sida iyo Denbiyada Culus ee Dowlad Gobaleedka Puntland loogu magacaabay Gaashaanlle sare Cabdifataax Xaaji Aadan Axmed.
Wareegtada ka soo baxday Xafiiska Madaxweynaha ayaa lagu sheegay in “Xeerkani uu dhaqan gelayaa marka uu Madaxweynuhu saxiixo, Wuuna saxiixay” sida lagu yiri wareegtada uu soo saaray Madaxweynaha Puntland Saciid Cabdullaahi Deni.