Axmed Madoobe Oo Soo Dhaweeyay Magacaabista Ra’iisul Wasaaraha Cusub

173

Madaxweynaha dowlad Goboleedka Jubbaland Axmed Maxamed Islaam Axmed Madoobe ayaa Hambalyo u diray Ra’iisul Wasaaraha Cusub ee Xukuumada Federaalka ah ee Soomaaliya Mudane Xamze Cabdi Barre oo Caawa uu xilkaas u magacaabay Madaxweynaha JFS Xasan Sheekh Maxamuud.

Waxaa Madaxweynahu uu tilmaamay in Xamze Cabdi Barre uu yahay shaqsi hufnaan iyo karti u leh gudashada xilka Cusub ee loo magaacay isla markana lagu xusuusto shaqooyinka wanaagsanaa ee uu dalka kasoo qabtay isagoo wakhtigiisa iyo naftiisa u huray shaqooyinka waa weyn oo uu ugu adeegayay bulshada Soomaaliyeed wakhtiyo kala duwan.

Madaxweynaha ayaa Ra’iisul Wasaaraha Alle uga baryay inuu la garan galo shaqada Cusub ee hortaala isagoo ugu baaqay dhamaan shacabka Soomaaliyeed inay garab istaagan si uu u guto waajibaadka qaran ee horyaala.

Xamse Cabdi Barre ayaa ahaa Guddoomiyihii Guddiga doorashada Maamulka Jubbaland doorashadii lagu doortay Madaxweynaha Jubbaland Axmed Maxamed Islaam Axmed Madoobe sanadkii 2019.

LEAVE A REPLY

Please enter your comment!
Please enter your name here