Kooxda chelsea ayaa marti galinaysa kooxda Leeds United kulan ka tirsan premier League kana dhici doona Stamford Bridge.
Blues ayaa kulanka soo galaysa iyaga oo isha ku haya in ay ka baxaan guuldarooyin xidhiidh ah isla markaas ku soo laabtaan guulaha.
Leeds United ayaa dhinaceeda dib u heshay qaab ciyaareedkeedii fiicnaa waxana ay doonayaan in ay garaacaan chelsea.
Kulanka: Chelsea Vs Leeda
Tartanka: Premier League
Wakhtiga: 6:00
Garoonka: Stamford Bridge
XAQIIQOOYINKA KULANKA:
Chelsea ayaa badisay shan kulan oo isku xigta oo Premier League ah oo ay gurigeeda kula ciyaartay Leeds.
Guushii ugu dambeysay ee Leeds ay ku gaarto Stamford Bridge waxay aheyd 2-0 ay ku badisay Premier League 1999 – Stephen McPhail ayaa dhaliyay labada gool halka Chris Sutton uu ku jiray shaxda Blues.
Kooxda Leeds ayaa 3-0 ku badisay kulankii Elland Road bishii August waxana ay raadinayaan in ay laba kulan ka badiyaan chelsea horyaalka markii ugu horaysay tan ilaa 1991-92.
Chelsea ayaa badisay kaliya labo jeer 15-kii kulan ee ugu dambeeyay Premier League, lix barbaro iyo 7 laga badiyay.
Kooxda Graham Potter ayaa laga badiyay seddexdii kulan ee ugu danbeysay tartamada oo dhan iyagoo aan wax gool ah dhalin.