Kooxda chelsea ayaa rumaysan in Thiago Silva uu ka badbaaday dhaawac halis ah laakiin daafaca khabiirka ah ayaa ka maqnaan doona kooxda laba kulan oo muhiim ah todobadka dambe.
Xiddiga 38 jirka ah ayaa dhaawac uga baxay kulankii ay Chelsea guuldarada 2/0 ah kala kulantay Tottenham kulan ka tirsanaa premier League.
Labada kulan ee xiga ee ay chelsea ciyaarayso ayaa ah kuwo ay qasab tahay in ay badiso waana kulamada y la ciyaari doonto Leeds United iyo Borussia Dortmund champions League.
Sida laga soo xigtay wargayska The Times, Thiago Silva ayaa seegi doona labadaas kulan ee muhiimka u ah kooxda chelsea sabab la xidhiidha dhaawac muruqa ah.
Xiddiga reer Brazil ayay u badantahay in uu soo laabto kulanka ay chelsea la ciyaari doonto kooxda Leicester 11 Bisha March ee soo socota.
Chelsea ayaa kaliya hal kulan ciyaari doonta kaas oo ah kulanka ay la ciyaari doonto Everton ka hor inta aan la aadin fasaxa xulalka.