Wararka inaga soo gaaraya magaalada jowhar ayaa sheegaya in is rasaaseyn khasaaro geysatay uu galabta ka dhacay halkaasi iyadoo xiisad ka dhalatay arintaas weli la dareemayo caawa.
Dagaalka ayaa waxa uu dhexmaray ciidamo kawada tirsan maamulka hirshabelle,iyadoo 3 qof ay ku dhaawacmeen oo midkood markii dambe dhaawac ahaan udhintay.
Wararka ayaa sheegaya in iskahorimaadka uu ka dhacay Buundada kala qeybisa xaafadaha Kulmis iyo Horseed waxaana markii dambe ku baxay dhacdadaasi ciidamo kale oo katirsan laamaha amniga.
Isku dhacaasi waxa uu daba socdaa dil maanta duhurnimadii ka dhacay Maxkamadda Magaalada Jowhar oo labo qof eedeysaneyaal ahaa lagu dhex toogtay halkaasi.
Gudoomiyaha Maxkamadda oo saxaafada la hadlay ayaa wax laga xumaado ku sheegay in goob garsoor loo soo doontay dil laga fuliyo isagoo codsaday in deg deg loo soo xiro gacan ku dhiiglaha falkaasi labada qof geystay