Wasiirka Waxbarashada Soomaaliya Faarax Sheekh C/qaadir ayaa la sheegay inuu ka tanaasulay inuu beesha reer aw xasan uu kasoo jeedo ka helo kursiga Beesha ku metali lahaa Baarlamaanka Soomaaliya.
Xog aan helnay ayaa sheegeysa in Kursigaan golaha shacabka uu ahaa mid kor loo hayey muddo sanad ah,kadib doorashadii FahadYaasiin Xaaji Daahir 20-kii Febraayo kusoo baxay balse la laalay oo sharciga loo maray lagu tilmaamay mid aan sax aheyn.
Hadda Xildhibaanka beesha waxaa qaadan doona C/nuur Shariifunaa oo hore usoo noqday Agaasime katirsan Madaxtooyada soomaaliya
Xogta waxay intaasi ku dareysaa in guushiisa C/nuur kala shaqeeyey Fahad Yaasiin Xaaji Daahir,oo loo arko inuu booskaasi difaacanayo uuna udiiday Wasiir Faarax helo.
Murashax C/nuur Maxamed ayaa maalmihii lasoo dhaafay kulamo beeshiisa ah ka waday deegaanka Soomaalida Itoobiya uu kasoo jeedo,waana lasiiyey beesha kursigeeda,isagoo ugu dambeyn shaaciyey inuu murashax yahay.
Keddib wadatashiyo aan la sameeyay qeybaha kala duwan ee bulshada Kursiga HOP86, waxaan si rasmi ah ugu dhawaaqayaa inaan ahay musharax u taagan tartanka kursigaas.
Laga bilaabo maanta oo Sabti ah, taariikhduna ku beegan tahay 11ka Febraayo 2023, waxaana kulamo kala duwan la qaadanayaa daneeyeyaasha tartanka, aniga oo rajaynaya inaan heli doono kalsoonidiinna si aan idinku matalo Golaha Shacabka JFS.
Musharax Cabdinuur Maxamed Axmed
Kooxda Villa Soomaaliya ayaa lumin kara kursiga Hop086 oo ay Fahad Yaasiin ka hor istaageen balse shakhsi gacan midig u ahaa Farmaajo xilligiisii Nabad iyo nolol ayaa kursigaasi gacanta ku dhigay,hadii aysan wax isbadelin xilliga doorashada xildhibaanka waa C/nuur Maxamed Axmed.