Wasiirkii hore ee Wasaaradda Arrimaha Dibadda Soomaaliya Cabdisaciid Muuse Cali oo soo dhaweyn diiran ay u sameeyaan jaaliyadda Soomaliyeed ee dalka Norway ayaa arrimo kala duwan uga war bixiyay Soomaalida halkaas ku nool.
Mudane Cabdisaciid oo sidoo kale ahaa Lataliyihii amniga Qaranka dowladii madaxweyne Farmaajo ayaa ku dheeraaday ka hadalka siyaasadda arrimaha Dibadda iyo waliba arrimaha Qaranka ee dalka.
Waxa uu wasiirka sheegay in ay jiraan dowlado Soomaaliya lugta ku dhagan kuwaa oo kamid ah kuwa deriska iyo dowlado dhaca Bariga Dhexe isagoo xusay in dowladii uu la shaqeynayay ay meesha ka saartay faragelinta qaawneed ee awoodaha isbaday ee u heestay in Soomaaliya ay ka taliyeen.
Mudane Cabdisaciid oo faragelinta iyo kala qobqobka lagu hayo Soomaaliya tusaale u soo qaadanaya ayaa waxa uu sheegay in mid kamid ah dowladaha Carabta ee tababaray ciidamada Soomaalida iney amar ku siyeen ciidamada kale ee dowlad hebal tababartay in meeshii ay ku arkaan ay rasaas la dhacaan oo la dagaalaan, waxaana wasiirka uu ka gaabsaday inuu magac dhabo dowladahaas arrimo jira aawadeed.
Dhanka kale waxa uu tilmaamay intii uu ahaa Lataliyaha Amniga Qaranka in dowladda ay tababartay ciidamadii ugu badnaa islamarkaana dowladda madaxweyne Xasan Sheekh loo diyaariyay ciidan farabadan oo heysta tababaro kala duwan.
Wasiir Cabdisaciid ayaa lagu xasuustaa sidii uu ula dagaalamay faragelinta shisheeye iyo waliba siyaasadda danaha ku dhisan ee dowladaha iyo hay’adaha shisheeye kula dhaqmayeen Soomaaliya isagoo hormuud u ahaa soo celinya qabka Soomaaliyeed.