Vinicius Junior ayaa u ciyaaraya Real Madrid kulanka ay la dheelayaan Valencia haatan iyadoo weeraryahanka uu ku ciyaarayo kabo madow oo aan wax astaan ah laheyn.
Waana wax lama filaan ah madaama uusan waligiis sidaas sameynin, laakiin sharaxaad ayaa laga bixiyay sababta uu ugu ciyaarayo kabo madow oo aan caalamad shirkad laheyn.
Xiddiga reer Brazil ayaa burburiyay hishiiskii uu kula jiray shirkada Nike, sidaasi darteed haatan ma heysto shirkad kabaha sameysa oo uu hishiis xayaysiin kula jiro.
Vinicius ayaa raadinaya shirkad cusub uu hishiis la galo madaama uu dareemay in Nike ay qiimihiisa hoos u dhigtay, islamarkaana shirkada Mareykanka aysan si fiican u la dhaqmin inkastoo uu qandaraaskooda socon lahaa ilaa iyo 2028ka.
Xiddiga reer Brazil ayaase go’aansaday inuusan xayaysiin u sameynin shirkada Nike isagoo iska bixiyay kabahooda, wuxuuna haatan doortay inuu ku ciyaaro kabo aan laheyn calaamad shirkad ilaa iyo uu ka helayo shirkad kale uu xayaysiis u sameeyo.