Beerxaano(Radiohalgan.com)-Faah-faahinta dagaalka Beerxaano iyo khasaare xooggan oo AS la gaarsiiyay.
Dagaalkii billoowday Duhurnimadii maanta ee u dhaxeeyay Ciidamada Dib-u-xoreynta deegaanka oo garabsanaya kuwa dowladda Soomaaliya iyo AS ee ka socday deegaanka Beerxaano ee dhaca Koonfurta Beledweyne ayaa caawa soo gaaray.
Dagaalka oo ahaa mid culus dhowr jeer-na la isku rogaal celshay ayaa maqribnimadii caawa soo gaaray kaddib saacado xariir ah oo dagaalka uu socday.
Taliye Xasan Faarax Guuleed oo kamid ah saraakiisha guutada 5-aad qeybta 27-aad ayaa warbaahinta u xaqiijiyay in 27-xubnood oo kooxda AS kamid ah dagaalka ka dhacay Beerxaano ku dileen ciidanka is garabsanaya.
Dhanka ciidamada Dib-u-xoreynta deegaanka ayaa la ogeyn inta uu la egyahay waxyeelada dagaalka kasoo gaartay.
Deegaanka Beer-xaanno iyo deeganada ku teedsan ee dagaalka uu ka dhacay ayaa laga saaray AS waxaana gacanta ku haaya ciidamada Dib-u-xoreynta deegaanka iyo kuwa dowladda, kaddib markii Maleeshiyaadka kooxda AS looga itaal roonaaday dagaalka.