Ra’iisul Wasaaraha Xukuumadda Federaalka Soomaaliya, Mudane Hamza Abdi Barre, ayaa maanta xafiiskiisa ku qaabilay safiirka dowladda Isutagga Imaaraadka Carabta ee Soomaaliya, Mudane Ahmed Jumah Alromaith.
Ra’iisul Wasaaraha Soomaaliya iyo Safiirka ayaa kulankooda uga wada hadlay xoojinta xiriirka iyo iskaashiga u dhaxeeya labada dal ee walaalaha ee Soomaaliya iyo Isutagga Imaaraadka Carabta.
Ahmed Jumah Alromaith ayaa sheegay in dowladiisa diyaar u tahay garab istaaga iyo taageerada dowladda Soomaaliya, waxa uuna ballanqaaday in Imaaraadka fulin doono mashaariic horumarineed.
Dowladda Imaaraadka Carabta oo kamid ahaa dowladaha Carabta ee sida weyn saameynta ugu lahaa Soomaaliya ayaa dib usoo celisay xiriirkeeda kala dhaxeeya dowladda, kaddib markii meesha ka baxday dowladdii Madaxweyne Farmaajo oo ay isku dhaceen.
Xafiiska Shabakada